تقارير ومتابعات

إختلاط مياه الشرب بالصرف الصحى بقرية السجاعيه والأهالى يطالبون بحل جذرى

 كتبت - أسماء البدراوي وآية القصبي

يعانى أهالى قرية السجاعية التابعة لمركز المحلة الكبرى من كارثة بيئية تتمثل فى اختلاط مياه الشرب بالصرف الصحى وإنبعاث رائحة كريهة عند استخدام المياه فضلاً عن رى الاراضى الزراعية بمياه الصرف الصحى مما يتسبب فى تعرض الكثير من المواطنين للاصابة بالامراض المختلفة فى الوقت الذى يتجاهل فيه المسئولين تلك الكارثة .

بوابة الغربيه إنتقلت للقرية ورصدت معاناه الأهالي الذين أصيبوا بحالة من الاحباط ورفضوا الحديث فى بادئ الامر نظراً لعدم جدوى الشكاوى المتكررة للمسئولين .

يقول حمزه ابوطاحون أحد اهالى القرية عايزين حد يسمعنا كل يوم بتيجي ناس وتصور ومبيحصلش حاجه عايزين مياه نضيفه نشربها انا فلاح بزرع الارض ولما باشم الزرع بلاقي ريحته مجاري ومابرضاش اكل منه ولا اكل عيالي منه .

ويضيف السيد العيسوي مزراع احنا لما بنفتح الحنفيه بنلاقي طين نازل وريحتها وحشه بنروح لمحطه الميه وبنجيب ميه ف الجراكن وبرضو بتبقي وحشه احنا خلاص بنموت ومحدش سائل فينا بناشد المحافظ اللواء أحمد ضيف صقر  انه يززور القرية ويشوف الوضع على الطبيعة .

وتستطرد السيده بدير الحديث قائلة انا عندي فشل كلوي من الميه اللي بنشربها والاكل اللي بناكله عارفين ان المية مختلطة بالمجاري بس حانعمل ايه .

بينما يناشد الطفل عبدالرحمن أسامه البالغ من العمر 7 سنوات المسئولين بسرعة انقاذهم وحل تلك المشكلة مبدياً أمنيته فى ان يشرب مياه نظيفه بدون مجاري .